QU-Sapaq simikuna tupachiq, qillqa tikraqkunaq, Foro Sociale

EN Discussions on the politics of Babels, alternative interpretation systems, linguistic diversity and the Social Forums
ES Discusiones políticas sobre Babels, sistemas alternativos de interpretación, diversidad lingüística y los foros sociales...
FR Discussions politiques sur Babels, les systèmes d'interprétation alternatifs, la diversité linguistique et les forums sociaux...

QU-Sapaq simikuna tupachiq, qillqa tikraqkunaq, Foro Sociale

Postby ljesover » Wed Sep 21, 2005 2:46 pm

Kuyasqay llapallan llaqtamasiykuna

Kusisqan qawariniku ñuqaykupas, Babels huñunakuyninchik wiñasqanmanta. Chaynapin aswan allinta tupachinqa Foro Sociales huñunakuykunapi rimarisqankuta.

Munaymankun kay rimarimusqayku, Carta de Babels qillqapi rikurinanta. Chaynapin yachasqa kanqa tukuy ima huk umalla ruwasqanchikta, hinallataq imakunapi rakinasqaraq kasqabchikta.

Kay rimanakusqanchikmi ñawpaqman purichiwanchik,mana imapas allin kaqta, qipaman churananchikpaq, mana llamkayninchikkuna sasachakuyman yaykunankupaq.

Imakunataq mana allin: Sapankama qillqanakuy, Foro Babels hawa.
Sapanchakuspa suyukunapi huñunakuy, llapanchikpaq allin kaq ruwaykunata qunqarispa..

Munanikun kay rimarimusqaykumanta yuyaymanakunaykichikta, ima aypay munasqanchikta yachanaykichikpaq.

Jose Arconada, Constance Boris, Yan Brailowsky, Thanasis Chrysos, Bettina Gertum Becker, Laurent Jesover, Gabriela Puente Arnao, Mónica Salom, Gregoire Seither.

- Publicamos aquí una primera versión del manifiesto.


RIMARIYNIYKU (MANIFIESTO).

----------------


Sapaq simikuna tupachiq, qillqa tikraqkunaq, Foro Sociales ukupi yanapakuyninku.

Kay Babelspi yanapakuy munaqkunan, niyta munaykichik kayta:
Sinchitan wiñachkan simikuna tupachiy llamkaykuna, yachayninchikkuna tupachiytaq. Foro Babelspi llamkaqkunan yanapakuniku kay rimanakuykuna astawan wiñanampaq, chaymi qayanakuchkanchik huñunakuykunaman, rimanakuykunaman, llaqtakunapaq allin kaqta kuska ñawpaqman apananchikpaq.

Ñawpaq iskay Foros Sociales Mundiales ukupi llamkasqanchikpin, kayta yuyaymanakuniku: siminchikkunaqa ancha kallpayuqmi, manaya rimanakunallapaqchu; llaqtakunapaq allin kaq politicakuna qawarichinapaq.

Simikunaqa manan umanchikpi kaqmanta rimanallapaqchu, musuq yachaykunaman aypanapaqtaqmi. Chayraykun munaniku aswan achka sapaq simiyuq qarikuna, warmikuna, Foro Socialeskunapi rimarinankuta. Babels rikurimusqanmanta pachan, Foros Sociales astawan ruwakurqa, tawa simikunamanta, kunanqa chunka pichqayuq simiunawanñam llamkachkanchik. Hinaspaps, manañam yachakunallañachu rimarinku.

Babelspas, ñakariywanmi llamkarqa aswanta kallpachakuspa, aswan achka hawa suyukuna rimanakuyta atinankupaq. Uchuy huñunakuypipas, hatun huñunakuypipas, tupachinanchikmi sapaq simikunata kuskanchaykanakuspa llamkananchikpaq.Allintan qawananchiq tupanakuyninchikta, achka runa kaspapas, pisilla kaspapas.
Kay raykun Babelsqa pi munaqkunawan huñunakun, yanapakuyta munaspallan, tukuy ima hatun huñunakuykunapi. Hinallaqmi huk niraqlla kanku, Babels huk organizacionkunawan.

Kay llamkaykunaman sayapakuqkunaqa ancha yachayniyuq akllasqa warmi qarikunan: hunta yachayniyuqkuna, llamkayninmanta asuqkuna, hinallataq chayllaraq yachapakuqkunapas. Paykunan yachanku sapaq simikuna tupachiyta, tikrachiyta iskay, kimsa simi yachasqankuman hina.Chay raykun sapaq suyukuna huk umalla yanapanakuspa llamkanku, Babels ukupipas utaq hawapipas.

Babels , red virtual kaynimpin llamkay munaqkunata tupanachin achkaña kaptinkupas, pichqa pachaq, qanchik pachaq warmi qarikuna kaptinkupas chay hatun huñunakuykunapi. Chay red virtual nisqawanmi lliw tiqsi muyupi llamkay munaqkuna rimanakuspa kamachinakunku tukuy ima ruwanankupaq.

Babelsqa, munayniyuq warmi qaripa llamkayninwanmi kallpachakun hatun llamkaykunata puririchinankupaq; kamachinakusqankuman hina unay.

kay huñunakuyqa mana pipa kamachisqallanmi tukuy imata ruwaspa wiñan . Llapallan llamkaqkunapa hawanpin, imapas allin kaynin. Pi munaqmi chayaykamun tantiyasqanta rimariq, manan pipas babelspa sutinpiqa imatapas rimanmanchu.Sapa musuq Foro Social ruwaykunapin, musuq warmi qarikunataq llamkananku musuq tantiyaykunata chayachispanku.

Babelsqa, musuq politico llamkaymi, manan kanchu umanchaqkuna, hinallataq manan huk niraqllachu imayna organizakusqan.
ljesover
.
.
 
Posts: 173
Joined: Thu Nov 20, 2003 9:36 am
Location: France

Return to Political Discussions

Who is online

Users browsing this forum: No registered users and 1 guest

cron